فكرة ان اي موقع حيتم حجبه حيقولك اصله يحتوي علي اي حاجة اباحية
و تبقى حجة بقى
يعني مثلا اي مدونة فيها حد بيسب الدين او بيشتم او بيكتب بأي طريقة زي مثلا وائل عباس ونوارة ومالك
لو اتفقل المواقع بتاعتهم حتبقي الحجة ان هي تحتوي علي مواد ابحاية
وحيبقي المقصود بالمواد الاباحية اي كلمة خارجة مثلا.
طالما مبدا القفل نفسه اتطبق يبقى توقع اى حاجة
حتى لو مش اباحية ممكن يقولوا بنقفل موقع عشان بيحرض على الفتنة الطائقية
او اللى بيكتب فيه اخوان و الاخوان جماعة محظورة
و هلم جره
هنبقى عاملين زى سوريا و الصين و السعودية
و نعييش بالبروكسيات
طب على كدة ان شاء الله يقفلولنا مواقع الشير .. ماهي ممكن تحتوي على خيرات الاباحية ... وزي مابيقول تامر كدة .. طالما ان المبدأ موجود يبقى اقروا الفاتحة للنت بقى
@mero انت عارف الكارثة ايه يا ميرو، انه ممكن الموضوع ده يبقى بالبلاغات، يعني تبلغ عن الموقع الفلاني فهما يستجيبوا، وطبعا ده هيبقى مسخرة زي ما بيحصل في السعودية كده
انا عاوزه حد من بتوع الشبكات و الاتصالات يفهمنا ازاى بالظبط هيقفلوا لان كل طريقه تيجى فبالى الاقى ان سهل كسرها فاكيد الموضوع مش بالبساطه دى يعنى...تانى حاجه مواقع الشير دى فعلا ازمه لو قفلوها الدنيا هتضلم تماما لا اغانى و لا كتب و لا برامج و لا افلام و لا حتى مراجع(مراجع بجد و الله) دى تبقى كارثه و فى نفس الوقت ازاى هيحجبوا من غير ما يقفلوا المواقع دى...انا فاكره ان كان فى مدون سعودى او حاجه كده بيحكى ان سومو تورنت مقفول عندهم لأن عليه اعلانات اباحيه ...اعلانات مش مواقع طيب ده فى سايتات كتير عليها اعلانات دى تبقى مشكله
@PLACEB0: الموضوع اسهل من السهولة هو حيحط حاجة كدة زي فاير ووول او بلاك ليست علي الديسلام الخاص بالسيرفيس بروفيدر والـ ليست دي حيكون فيها مجموعة كلمات اباحية زي
سيكس - جنس - صدر - مؤخرة - رقص - هز وسط - كفاية - ديمفراطية - معارضة - احزاب اي حاجة من دي
وبمجرد ما يتم البحث عنها يطلعك حد من امن الدولة علي طول
25 comments so far
بس هل دة منطقي ؟؟؟
طب مفيش ضمانات ان أي سايتات تانية تتقفل بحجة انها اباحية ... مصيبة لتكون خطوة لأنهم يقفلوا مواقع نشطة ... زي كيف تصنع قنبلة يدوية محلية الصنع
L OOOO L
:S
6 months, 2 weeks ago by mero
هو الممنوع مرغوب
؟؟
6 months, 2 weeks ago by mero
فكرة ان اي موقع حيتم حجبه حيقولك اصله يحتوي علي اي حاجة اباحية و تبقى حجة بقى يعني مثلا اي مدونة فيها حد بيسب الدين او بيشتم او بيكتب بأي طريقة زي مثلا وائل عباس ونوارة ومالك لو اتفقل المواقع بتاعتهم حتبقي الحجة ان هي تحتوي علي مواد ابحاية وحيبقي المقصود بالمواد الاباحية اي كلمة خارجة مثلا. طالما مبدا القفل نفسه اتطبق يبقى توقع اى حاجة حتى لو مش اباحية ممكن يقولوا بنقفل موقع عشان بيحرض على الفتنة الطائقية او اللى بيكتب فيه اخوان و الاخوان جماعة محظورة و هلم جره هنبقى عاملين زى سوريا و الصين و السعودية و نعييش بالبروكسيات
6 months, 2 weeks ago by tamersala7
والله هو القرار في حد ذاته كويس المهم التطبيق بتاعه زي مابتقولوا ممكن يستغلوه علشان يقفلوا المواقع اللي عاملالهم صداع في دماغهم بحجة انها اباحية
المفروض بقي يقولوا ايه هي المواصافات اللي بتوصل للموقع لدرجة القفل
عارفين ايه المشكله المشكله اننا في مصر يعني كل واحد بيطبق القوانين والقرارات علي مزاجه والموضوع مالهوش رابط ولا ظابط
6 months, 2 weeks ago by 5fadfada
بالمناسبه كان مره زمان استاذ احمد شقير قال علي موقع بيفتح المواقع المحجوبه
ياريت لو حد يعرفه لان 3 ارباع المواقع اللي هنا مقفوله في السعوديه
6 months, 2 weeks ago by 5fadfada
@5fadfada: الموقع بتاع الأستاذ أحمد إتحجب بعد ما قال عليه بـ 3 أسابيع
الحجب في السعودية واعي و متابع
:))
6 months, 2 weeks ago by egyptioneng
@egyptioneng: اكيد حد كان مراقب الجايكو وبلغ عنه
هههههههههههههه
6 months, 2 weeks ago by 5fadfada
طب على كدة ان شاء الله يقفلولنا مواقع الشير .. ماهي ممكن تحتوي على خيرات الاباحية ... وزي مابيقول تامر كدة .. طالما ان المبدأ موجود يبقى اقروا الفاتحة للنت بقى
6 months, 2 weeks ago by mero
@mero: @5fadfada أنا ضد الحجب من الالف الى الياء
البوست ده سود الحياه فى عنيا
http://caricatooz.blogspot.com/2009/05/blog-post_12.html
6 months, 2 weeks ago by midooo
و لية سوّد الحياة في عينيك ؟
6 months, 2 weeks ago by mero
@mero: أقل حاجة التحرش حيزيد
6 months, 2 weeks ago by midooo
لما يقفلوا المواقع تقصد ... ربنا ما يحرمنا من الكوانين
6 months, 2 weeks ago by mero
@mero: والله لما يعملوا ايه بالذي
اللي عايز حاجات من دي ممكن يجيبها من برامج P2P و لا تفرق معاه حجب و دياولو
6 months, 2 weeks ago by egyptioneng
زي ما قال ميدو
ولو فيه رفض بعد الياء كمان كنت رفضته
6 months, 2 weeks ago by AhmedFaissl
@mero انت عارف الكارثة ايه يا ميرو، انه ممكن الموضوع ده يبقى بالبلاغات، يعني تبلغ عن الموقع الفلاني فهما يستجيبوا، وطبعا ده هيبقى مسخرة زي ما بيحصل في السعودية كده
6 months, 2 weeks ago by Abderrahman
ما هي دي المصيبة ... طالما في امكانية منع يبقى أي موقع قابل للحجب و المنع
طب ما هي تي اي داتا فيها الخاصية دي .. اية بقى لزمة القضاء الاداري و الهيصة دي ؟؟
6 months, 2 weeks ago by mero
@mero: لا يا باشا تي داتا انت بتروح تكتب اقرار وتسيب صورة بطاقتك مش بمزاجهم طبعا
6 months, 2 weeks ago by tamersala7
أيوة فيها الخدمة .. يعني اللي عايز هيقدم على الخدمة .. مش لازم تبقى اجباري
6 months, 2 weeks ago by mero
@Abderrahman: دي علي كده هاتبقي هيصه
وكل واحد مش عاجبه التاني ينشه بلاغ لوزارة الاتصالات عشان يحجبوا البلوج بتاعه
:))
6 months, 2 weeks ago by 5fadfada
انا عاوزه حد من بتوع الشبكات و الاتصالات يفهمنا ازاى بالظبط هيقفلوا لان كل طريقه تيجى فبالى الاقى ان سهل كسرها فاكيد الموضوع مش بالبساطه دى يعنى...تانى حاجه مواقع الشير دى فعلا ازمه لو قفلوها الدنيا هتضلم تماما لا اغانى و لا كتب و لا برامج و لا افلام و لا حتى مراجع(مراجع بجد و الله) دى تبقى كارثه و فى نفس الوقت ازاى هيحجبوا من غير ما يقفلوا المواقع دى...انا فاكره ان كان فى مدون سعودى او حاجه كده بيحكى ان سومو تورنت مقفول عندهم لأن عليه اعلانات اباحيه ...اعلانات مش مواقع طيب ده فى سايتات كتير عليها اعلانات دى تبقى مشكله
6 months, 2 weeks ago by PLACEB0
@PLACEB0: الموضوع اسهل من السهولة هو حيحط حاجة كدة زي فاير ووول او بلاك ليست علي الديسلام الخاص بالسيرفيس بروفيدر والـ ليست دي حيكون فيها مجموعة كلمات اباحية زي
سيكس - جنس - صدر - مؤخرة - رقص - هز وسط - كفاية - ديمفراطية - معارضة - احزاب اي حاجة من دي
وبمجرد ما يتم البحث عنها يطلعك حد من امن الدولة علي طول
6 months, 2 weeks ago by tamersala7
معجبة جدا بالرد الاخير لتامر صلاح
6 months, 2 weeks ago by azzamoghazy
يعنى يا تامر الفلتر على محتوى كلمات البحث و لا محتوى الصفحه؟ وبعدين انا مدورتش بس هو مفيش حاجات بتعمل encryption
تانيا هل ده معناه ان مثلا باحث دكتور مثلا استحاله يعرف يجيب بحث زى ده مثلا
Influence of sex hormones on plasma endothelin levels
6 months, 2 weeks ago by PLACEB0
لو وقفوا على شعر راسهم... اللي فاهم و عايز يتجاوز المنع هيتجاوز المنع...
خليهم يعملوا الي عايزينه :)
6 months, 1 week ago by msameer
:D
i agree with u msameer
6 months, 1 week ago by mero